Mikael Neville Anderson var í byrjunarliði Midtjylland í dag sem mætti AaB í dönsku úrvalsdeildinni.
Mikael fékk tækifæri á miðju Midtjylland og spilaði 87 mínútur í leik sem vannst, 0-1.
Junior Brumado skoraði eina mark gestaliðsins í fyrri hálfleik en hann gerði það af vítapunktinum.
Þetta var annar leikur Midtjylland í deildinni en liðið tapaði þeim fyrsta 2-1 heima gegn OB.
Elías Rafn Ólafsson leikur einnig með liðinu en markmaðurinn sat allan tímann á bekknum í dag.
Athugasemdir