Pólski framherjinn Robert Lewandowski er leikmaður ársins í Þýskalandi annað árið í röð.
Lewandowski, sem er 32 ára gamall, var valinn besti leikmaður heims fyrr á þessu ári eftir að hafa unnið þýsku deildina og Meistaradeild Evrópu með Bayern München á síðustu leiktíð.
Hann hefur verið að spila glimrandi vel síðustu ár og var meðal annars valinn besti leikmaðurinn í Þýskalandi fyrir tímabilið 2019-2020.
Pólverjinn vann verðlaunin annað árið í röð í um helgina en hann hafði betur gegn Thomas Müller og Erling Braut Haaland.
Lewandowski skoraði 41 mark í þýsku deildinni á síðustu leiktíð og sló 49 ára gamalt met Gerd Müller.
Thomas Tuchel er þá þjálfari ársins í Þýskalandi fyrir að hafa unnið Meistaradeild Evrópu með Chelsea.
Athugasemdir