Brentford heldur áfram að koma á óvart í ensku úrvalsdeildinni. Nýliðarnir tóku á móti Liverpool í lokaleik dagsins.

Brentford hefur sýnt mikið hugrekki frá fyrsta leik; þeir ætla sér ekki að falla úr deildinni.

Heimamenn byrjuðu betur í dag og þeir komust nokkuð verðskuldað yfir á 27. mínútu er varnarmaðurinn Ethan Pinnock skoraði eftir undirbúning frá Ivan Toney.

Forystan var hins vegar ekki mjög langlíf þar sem Diogo Jota jafnaði metin fjórum mínútum síðar eftir sendingu frá fyrirliðanum, Jordan Henderson.

Staðan var 1-1 þegar flautað var til hálfleiks, en snemma í seinni hálfleik kom Mohamed Salah Liverpool í forystu.

Þá héldu kannski einhverjir að Liverpool myndi landa sigrinum þægilegan, en annað kom á daginn. Vitaly Janelt jafnaði metin aftur fyrir Brentford. Curtis Jones kom þá Liverpool aftur í forystu, en Yoane Wissa jafnaði metin á nýjan leik fyrir Brentford áður en flautað var til leiksloka.

Þvílíkur karakter í Brentford, en Liverpool-menn eru eflaust svekktir með þessi úrslit. Varnarleikurinn hefur oft verið betri hjá Liverpool en í kvöld.

Lokatölur 1-1 og er Brentford í níunda sæti með níu stig. Liverpool er á toppnum með 14 stig. Lærisveinar Jurgen Klopp hefðu getað náð þriggja stiga forskoti með sigri í kvöld.