Idrissa Gueye fær rauða spjaldið.
Idrissa Gueye fékk lófaklapp frá liðsfélögum sínum í Everton eftir að hann baðst afsökunar á rauða spjaldinu sem hann fékk í sigrinum gegn Manchester United.
Gueye var fyrsti leikmaður ensku úrvalsdeildarinnar til að fá rautt fyrir átök við samherja í sautján ár þegar hann sló Michael Keane á 13. mínútu. Tíu gegn ellefu stærstan hluta leiksins barðist Everton liðið hetjulega og vann 1-0 útisigur.
Gueye var fyrsti leikmaður ensku úrvalsdeildarinnar til að fá rautt fyrir átök við samherja í sautján ár þegar hann sló Michael Keane á 13. mínútu. Tíu gegn ellefu stærstan hluta leiksins barðist Everton liðið hetjulega og vann 1-0 útisigur.
Gueye vildi ræða við liðsfélaga sína í hálfleik en fékk það ekki. Eftir leikinn bað hann menn afsökunar, og þá sérstaklega Keane. Hann bað liðið afsökunar á að hafa skilið það eftir í svona erfiðri stöðu en þakkaði þeim fyrir að klára verkefnið með sóma.
Afsökunarbeiðninni var vel tekið, enda leikmenn í skýjunum eftir sigurinn, og það var klappað rækilega.
Gueye baðst einnig afsökunar á samfélagsmiðlum en hann fer í þriggja leikja bann og missir af leikjum gegn Newcastle, Bournemouth og Nottingham Forest.
Athugasemdir
