Tottenham steinlá í Norður-Lundúnaslagnum gegn Arsenal í úrvalsdeildinni í kvöld. Thomas Frank, stjóri Tottenham, var að vonum ekki ánægður í leikslok.
„Við spiluðum á móti okkar helstu erkifjendum og töpuðum illa, það verður að sjálfsögðu umtal. Við munum ekki hlusta á það, einbeitum okkur að liðinu," sagði Frank.
„Ég veit að þetta lið er samkeppnishæft, við sýndum það gegn Man City og PSG. Þetta var ekki nógu gott í dag."
Frank stillti upp varnarsinnuðu liði og Tottenham sá aldrei til sólar.
„Við leggjum mikið á okkur til að bæta það. Þetta leit ekki vel út í dag eða gegn Chelsea. Þetta hefur verið betra í öðrum leikjum. Við þurftum að gera margt betra í þessum leik."
„Ég reyndi að spila 5-4-1. Ég mun alltaf taka ábyrgð þar sem það er mín ákvörðun að spila þetta kerfi."
Athugasemdir
