Enska úrvalsdeildarfélagið Crystal Palace hefur lagt fram 12 milljóna punda tilboð í Antoine Semenyo, framherja Bristol City. Þetta kemur fram á staðarmiðlinum Bristol Live.
Semenyo er 23 ára gamall en hann er uppalinn hjá Bristol City og búið alla sína tíð á Englandi.
Hann á rætur sínar að rekja til Gana og ákvað því að spila fyrir landsliðið en hann fór með liðinu á HM í Katar á síðasta ári.
Crystal Palace hefur nú lagt fram 12 milljóna punda tilboð í Semenyo en félagið vill styrkja sóknarlínuna fyrir seinni hluta tímabilsins.
Bristol City er talið vilja meiri pening fyrir þennan ágæta leikmann en hann er í lykilhlutverki hjá B-deildarliðinu.
Athugasemdir