Gústi Gylfa var sáttur með varnarleik sinna manna
„Eigum við ekki að segja að þetta hafi verið gríðarlegur varnarsigur þar sem að Kjartan skorar frábært mark, sýnir hans gæði og jafnar leikinn. Svo alveg í lokin þegar við vorum búnir að sýna gríðarlegan karakter og verjast Grindvíkingunum sem voru að spila hrikalega vel úti á velli kemur síðasta snertingin þá kemur svona Gróttu 'brandið' sem Grótta hefur verið undanfarin ár, að skora úr föstu leikatriði. er það sem Ágúst Gylfason, þjálfari Gróttu hafði að segja eftir 2-1 sigur á Grindavík á þriðjudaginn var.
Lestu um leikinn: Grótta 2 - 1 Grindavík
Júlí Karlsson var valinn leikmaður 18. umferðar Lengjudeildarinnar eftir frammistöðu sína gegn Grindavík og segir Gústi að þeir hafi fundið hans bestu stöðu í sumar.
„Júlí er búinn að vera frábær í allt sumar og við fundum hans bestu stöðu sem er í hafsent. Hann hefur alltaf verið miðjumaður en steig inn sem hafsent og hefur leyst það frábærlega vel. Kemur boltanum vel frá sér og er hraður og agressívur. Það hefur hjálpað okkur gríðarlega vel."
„Ég ætla að vera heiðarlegur með það að hvernig leikurinn spilaðist að ég hefði verið sáttur með jafntefli. Fyrir leik hefði ég ekki verið það en eftir hann hefði ég verið það en það var gott að fá 3 stig.
Viðtalið í heild sinni má finna í sjónvarpinu hér að ofan
Athugasemdir
