Guðný Árnadóttir
Landsliðskonan Guðný Árnadóttir er barnshafandi og mun því ekki spila meira á þessu tímabili en hún greindi frá þessu á Instagram í gær.
Guðný, sem er 25 ára gömul, er á mála hjá Kristianstad í Svíþjóð, en ekki verið með liðinu í síðustu leikjum og hefur landsliðskonan nú greint frá ástæðunni.
Hún og kærasti hennar, Pétur Hrafn Friðriksson, eiga von á sínu fyrsta barni í apríl.
Mikil gleðitíðindi fyrir parið en þetta þýðir að Guðný verður ekki meira með á þessari leiktíð.
Guðný gekk í raðir Kristianstad frá AC Milan á síðasta ári en hún hefur einnig leikið með Napoli ásamt því að spila með FH og Val hér heima.
Bakvörðurinn á 43 A-landsleiki að baki og farið á tvö stórmót.
Athugasemdir
