Man Utd er á miklu flugi þessa dagana en liðið vann þriðja deildarleikinn í röð í dag þegar liðið lagði Brighton. Liverpool tapaði fjórða leiknum í röð þegar liðið tapaði gegn Brentford í kvöld.
Man Utd situr í 4. sæti með 16 stig en Liverpool er í 6. sæti með 15 stig. Þetta er í fyrsta sinn í rúm tvö ár sem Man Utd er fyrir ofan Liverpool í lok umferðar.
Man Utd var síðast fyrir ofan Liverpool eftir fyrstu umferð tímabilið 2023/2024 þegar Man Utd vann Wolves 1-0 og Liverpool gerði 1-1 jafntefli gegn Chelsea fyrir 804 dögum síðan.
Liverpool hefur verið í miklum vandræðum á tímabilinu eftir að hafa unnið deildina í fyrra á fyrsta tímabili Arne Slot sem stjóri liðsins.
Brentford átti 17 marktilraunir í leiknum en Liverpool hefur ekki fengið á sig jafnmörg skot í deildinni á þessu tímabili. Liðið hefur fengið á sig 14 mörk en Liverpool fékk á sig 14. markið í 16. umferð á síðustu leiktíð. Þá er þetta í fyrsta sinn síðan tímabilið 1993/1994 síðan Liverpool tapar fjórum af fyrstu níu leikjunum á tímabilinu.
Five games into the season, Liverpool were eight points above rivals Man United in the Premier League.
— Football on TNT Sports (@footballontnt) October 25, 2025
Four games later, Man United are above Liverpool ???? pic.twitter.com/fpauF4mRfT
Athugasemdir
