Viktor Jónsson varð fyrir höfuðmeiðslum eftir að hafa lent í samstuði við leikmann Fylkis á lokasekúndum leiks ÍA gegn Fylki í Pepsi Max-deildinni í 2. umferðinni.
Viktor var fluttur með sjúkrabíl eftir leikinn og í ljós kom að Viktor kinnbeinsbrotnaði. Hann gekkst undir aðgerð degi síðar.
Talið var að Viktor yrði frá í rúmlega mánuð en hann sneri hinsvegar til baka á völlinn um helgina þegar hann kom inná sem varamaður í 2-0 sigri ÍA á Stjörnunni í gær. Hann var því frá í þrjár vikur.
Skagamenn eru á toppi deildarinnar með 16 stig að loknum sex umferðum.
Athugasemdir