Tom Lockyer, fyrirliði Luton Town, gat ekki fagnað með liðsfélögum sínum er liðið kom sér upp í ensku úrvalsdeildina á Wembley í dag.
Lockyer hneig til jarðar snemma leiks og var fluttur með hraði á spítala í grenndinni.
Luton greindi frá því á samfélagsmiðlum að Lockyer væri með meðvitund og að fjölskyldan væri með honum á sjúkrahúsi.
Lockyer var í góðum gír þegar liðið vann vítaspyrnukeppnina gegn Coventry en Steve Lockyer, faðir Tom, birti skemmtilega mynd af Tom og fjölskyldunni þegar úrvalsdeildarsætið var tryggt.
„Faðir Tom hérna. Hann er í góðu lagi. Hann er rosalega ánægður en leiður á sama tíma að geta ekki verið þarna með liðsfélögunum. Hérna er augnablikið,“ sagði faðir hans áður en hann birti myndina.
Tom’s Dad here. Tom is ok. Very happy but so sad he can’t be there with his team mates. Here is the moment……. pic.twitter.com/4mxlyGqbhI
— Steve Lockyer (@sl_cardiff) May 27, 2023
Athugasemdir