Kristinn Steindórsson kemur að öllum líkindum inn í lið Breiðabliks.
Fyrirliðinn í hægri bakverði?
Emil Atlason snýr aftur í liðið.
Aron klár í að spila?
Blikar án þessara tveggja í kvöld.
Klukkan 19:15 flautar Sigurður Hjörtur Þrastarson og leikur Stjörnunnar og Breiðabliks hefst á Samsungvellinum í Garðabæ.
Stjarnan getur með sigri komist upp fyrir granna sína í töflunni en með sigri getur Breiðablik jafnað topplið Víkings að stigum.
Fótbolti.net hefur sett saman líkleg byrjunarlið fyrir leikinn.
Stjarnan getur með sigri komist upp fyrir granna sína í töflunni en með sigri getur Breiðablik jafnað topplið Víkings að stigum.
Fótbolti.net hefur sett saman líkleg byrjunarlið fyrir leikinn.
Lestu um leikinn: Stjarnan 0 - 0 Breiðablik
Fljótt á litið eru einungis spurningarmerki í varnarlínunni og á miðsvæðinu hjá Jökli. Að okkar mati eru níu leikmenn sem gera sterkt tilkall í þær sjö stöður og verða því tveir fúlir á bekknum. Ekki er ólíklegt að þeir tveir byrji svo undanúrslitaleikinn gegn Val í bikarnum á þriðjudaginn.
Við spáum því að það verði þeir Kjartan Már Kjartansson og Þorri Mar Þórisson sem þurfi að gera sér það að góðu að byrja á bekknum. Emil Atlason hvíldi í síðasta leik og mun hann að öllum líkindum snúa aftur í liðið.
Það verður svo spennandi að fylgjast með því hvort að Steven Caulker verði á skýrslu sem aðstoðarþjálfari, en varð formlega leikmaður og aðstoðarþjálfari Stjörnunnar í gær.
Hjá gestunum eru tvær stórar stærðir í leikbanni. Fyrirliðinn, Höskuldur Gunnlaugsson, og markahæsti leikmaðurinn Tobias Thomsen. Leikbönnin og meiðsli leikmanna gera liðsvalið að púsluspili, allavega utan frá séð, fyrir Dóra þjálfara.
Við spáum því að Kristinn Steindórsson taki stöðu Höskuldar í liðinu. Eins og Jökull sagði í viðtali í gær eru nokkrir sem geta tekið stöðu Thomsen, en við teljum að líklegasta lendingin verði að Óli Valur Ómarsson fari í stöðu fremsta manns, eins og hann leysti svo vel í vetur.
Dóri er með þrjá leikmenn tæpa fyrir leikinn eins og hann sagði í viðtali í gær. Ef Ásgeir Helgi getur spilað væri hægt að færa Anton Loga upp á miðsvæðið og annað hvort Viktor Karl eða Kristin í fremstu línu, ef Kristófer Ingi getur spilað mun hann væntanlega vera fremsti maður. Við spáum því að það verði reynt á að Aron Bjarnason spili þennan leik og verði úti hægra megin.
Athugasemdir
