„Mjög þreyttur, þetta var alveg maraþonsleikur. Kannski ekki það sem við þurftum fyrir langt ferðalag til Akureyrar núna um helgina. Ógeðslega gott að klára þetta, við spiluðum til dæmis bikarleik í Mjólkurbikarnum þar sem við lentum í framlengingu og töpuðum þar, þannig það var ljúft að vinna í þetta skiptið.'' segir Andri Þór Grétarsson, leikmaður Ægis, sem var valinn maður leiksins eftir 1-2 sigur gegn Hauka eftir framlengingu í 1. umferð Fótbolta.net bikarsins.
Lestu um leikinn: Haukar 1 - 2 Ægir
„Þetta var svona hálft byrjunarlið, en menn þurfa að stíga upp og þeir gerðu það í seinni hálfleik fannst mér. Svo var þetta bara aldrei spurning í framlengingu fannst mér.''
Leikurinn fór alla leið í framlengingu og þreytan fór að sjást í leikmönnum.
„Það var umferð á laugardaginn síðasta, núna á miðvikudaginn og svo erum við að fara aftur á sunnudaginn. Þannig það er bara álag og það þarf bara að nota hópinn og aðrir menn að stíga upp,''
Arnar var spurður út í hvort hann hefði viljað að leikurinn færi í vítaspyrnukeppni sem markvörður.
„Ég var að pæla í því í framlengingunni, hugurinn er farinn að pæla í vítaspyrnunum, hvert á maður að fara og svona. En við tökum sigurinn.''
Arnar var spurður út í markmið Ægis fyrir Fótbolta.net bikarinn.
„Já, að sjálfsögðu að komast á Hybrid grasið á Laugardalsvelli. Þetta lýtur ógeðslega vel út og við ætlum að komast eins langt og við getum.'' segir Andri í lokinn.
Hægt er að horfa á viðtalið í heild sinni hér fyrir ofan.
