27.07.21 - 12:00
Innkastið
„Stubbur hættir ekki að koma manni á óvart"
Steinþór Már Auðunsson, Stubbur.
Mynd: Fótbolti.net - Hafliði Breiðfjörð
Steinþór Már Auðunsson, Stubbur.
Mynd: Fótbolti.net - Hafliði Breiðfjörð
Stubbur markvörður KA, Steinþór Már Auðunsson, heldur áfram að standa sig gríðarlega vel í Pepsi Max-deildinni en hann var valinn maður leiksins í 1-0 útisigri KA gegn Leikni á sunnudaginn.
„Stubbur er vanmetinn markmaður. Á þessi þrjú stig í Breiðholtinu skuldlaust," skrifaði Sævar Pétursson, framkvæmdastjóri KA, á Twitter.
Fjallað var um frammistöðu Stubbs í Innkastinu.
„Stubbur er vanmetinn markmaður. Á þessi þrjú stig í Breiðholtinu skuldlaust," skrifaði Sævar Pétursson, framkvæmdastjóri KA, á Twitter.
Fjallað var um frammistöðu Stubbs í Innkastinu.
„Leiknismenn fóru illa að ráði sínu einir á móti Stubbi tvisvar í fyrri hálfleik, í bæði skiptin varði Stubbur. Hann var frábær í þessum leik og varði einn gegn einum bæði gegn Sævari Atla og Bjarka," segir Elvar Geir Magnússon.
Gunnar Birgisson er mjög hrifinn af frammistöðu Stubbs í sumar, hann var varamarkvörður fyrir tímabilið en kom svo inn þegar Kristijan Jajalo meiddist.
„Allt kredit á Stubb sem hættir ekki að koma manni á óvart. Það að svona gæi geti komið inn og náð í stig fyrir lið í efri hluta deildarinnar er nokkuð rómantísk saga."
„Það er mikið traust á milli. Varnarmennirnir treysta honum mikið. Ég fylgdist með leiknum gegn HK á Greifavellinum í bóngó blíðu fyrir norðan. Ég var þarna við mark KA í fyrri hálfleik og sá að hann er mikill leiðtogi inni á vellinum, hann lætur vel í sér heyra," segir Gunnar og Elvar bætir við:
„Þegar háir boltar koma inn í teiginn er það eins og að drekka vatn fyrir hann að hirða þessa bolta."
Gunnar Birgisson er mjög hrifinn af frammistöðu Stubbs í sumar, hann var varamarkvörður fyrir tímabilið en kom svo inn þegar Kristijan Jajalo meiddist.
„Allt kredit á Stubb sem hættir ekki að koma manni á óvart. Það að svona gæi geti komið inn og náð í stig fyrir lið í efri hluta deildarinnar er nokkuð rómantísk saga."
„Það er mikið traust á milli. Varnarmennirnir treysta honum mikið. Ég fylgdist með leiknum gegn HK á Greifavellinum í bóngó blíðu fyrir norðan. Ég var þarna við mark KA í fyrri hálfleik og sá að hann er mikill leiðtogi inni á vellinum, hann lætur vel í sér heyra," segir Gunnar og Elvar bætir við:
„Þegar háir boltar koma inn í teiginn er það eins og að drekka vatn fyrir hann að hirða þessa bolta."
