Viðar Örn Kjartansson var í gær kynntur sem leikmaður Yeni Malatyaspor með skemmtilegri víkingakynningu.
Hann mun leika með tyrkneska félaginu út yfirstandandi leiktíð. Liðið er í 9. sæti tyrknesku deildarinnar. Liðið átti að leika í gær en þeim leik var frestað.
Hann mun leika með tyrkneska félaginu út yfirstandandi leiktíð. Liðið er í 9. sæti tyrknesku deildarinnar. Liðið átti að leika í gær en þeim leik var frestað.
Hann var spurður út í vistaskiptin í viðtali við mbl.is: „Ég er mjög sáttur að vera búinn að klára þetta," sagði Viðar Örn við mbl.is
„Þetta er klúbbur sem er búinn að vera á eftir mér undanförin tvö ár en það hefur einhvern veginn alltaf hist þannig á að það hefur ekki hentað mér á þeim tímapunkti."
„Það verður að viðurkennast að ég er ekki í mínu besta standi og það mun taka mig smá tíma að komast í það. Þeir eru meðvitaðir um það og vonandi fæ ég smá tíma til þess að komast í mitt besta form."
„Fólkið hérna er mjög vinalegt og þetta er spennandi. Það er ekki eins og ég sé að fara til Kóreu og það verður gaman að kynnast nýrri menningu og upplifa öðruvísi hluti."
„Ég missti ánægjuna af fótbolta hjá Rubin Kazan og manni þarf að líða vel til þess að spila vel vil ég meina. Núna hefst nýr kafli á mínum ferli og ég ætla mér að gera vel hérna og njóta lífsins í leiðinni," sagði Viðar að lokum.
Malatyaspor mætir næst Alanyaspor þann 2. febrúar.
Athugasemdir
