Guðbjörg er fyrrum landsliðsmarkvörður Íslands.
Guðbjörg Gunnarsdóttir, fyrrum landsliðsmarkvörður Íslands, tilkynnti nýverið að hún væri byrjuð að þjálfa markverði í yngri landsliðum Svíþjóðar.
„Þakklát fyrir tækifærið og traustið sem sænska knattspyrnusambandið hefur gefið mér sem markmannsþjálfari hjá yngri landsliðum Svía," segir Guðbjörg í færslu á samfélagsmiðlum.
Guðbjörg, sem var landsliðsmarkvörður Íslands í mörg ár, lagði hanskana á hilluna sumarið 2021.
Guðbjörg hefur starfað sem markvarðarþjálfari í Svíþjóð eftir að hún hætti en hún hóf störf hjá Eskilstuna eftir að hanskarnir fóru upp á hillu.
Á farsælum leikmannaferli sínum spilaði Guðbjörg með FH og Val á Íslandi, Djurgården í Svíþjóð, Avaldsnes, Lillström og Arna-Björnar í Noregi og Turbine Potsdam í Þýskalandi.
Athugasemdir
