Hinn 36 ára gamli Robben hóf atvinnumannaferilinn hjá Groningen en gerði garðinn frægan með PSV Eindhoven áður en hann gekk í raðir Chelsea, Real Madrid og loks FC Bayern.

Endurkoma Robben til Groningen er strax byrjuð að bera jákvæð fjárhagsleg áhrif, en Groningen varð af miklu tekjutapi þegar hollenska deildin var aflýst vegna Covid-19.

Á fyrstu 24 tímunum eftir að Robben var kynntur seldi Groningen rúmlega 2100 ársmiða á heimaleiki sína.

Robben er goðsögn í Hollandi og skoraði 37 mörk í 96 leikjum á landsliðsferlinum.