Watford er búið að staðfesta komu Britt Assombalonga á fimm mánaða samningi með möguleika á eins árs framlengingu.
Assombalonga kemur á frjálsri sölu eftir að hafa verið samherji Birkis Bjarnasonar hjá Adana Demirspor í Tyrklandi. Hann fékk að rifta samningi sínum við félagið.
Assombalonga er þrítugur framherji sem getur einnig leikið á báðum köntum og býr yfir mikilli reynslu úr Championship deildinni.
Watford er í umspilsbaráttunni en Assombalonga þekkir hana vel eftir sex tímabil með Nottingham Forest og Middlesbrough.
Framherjinn hefur í heildina skorað 75 mörk í 221 leik í Championship deildinni.
Assombalonga snýr aftur til uppeldisfélagsins sem hann spilaði fjóra deildarleiki fyrir áður en hann skipti yfir til Peterborough United í C-deildinni - og var svo seldur til Forest ári síðar.
?? We’re pleased to confirm the signing of striker Britt Assombalonga on an initial six-month contract, with the Hornets holding an option to extend for a further year.
— Watford Football Club (@WatfordFC) January 29, 2023
Welcome home, Britt! ????#WatfordFC | @CorpayFX
