Sevilla fær Gil frá Tottenham (Staðfest)
Mynd: EPA
Mynd: EPA
Sevilla er búið að staðfesta lánssamning við spænska kantmanninn Bryan Gil, sem snýr aftur til uppeldisfélagsins.
Gil þótti eitt mesta efni Spánar á sínum tíma en hefur ekki staðist væntingar eftir að Tottenham keypti hann sumarið 2021.
Gil fór til Valencia á láni á seinni hluta síðustu leiktíðar en tókst ekki að láta ljós sitt skína. Hann hefur fengið ýmis tækifæri með Tottenham en ekki tekist að nýta þau, hann á ekki nema tvær stoðsendingar í 31 keppnisleik með félaginu.
Gil fer á lánssamningi sem gildir út tímabilið en Tottenham vildi ekki láta kaupmöguleika fylgja. Þjálfarateymi félagsins hefur miklar mætur á Gil og telur hann einungis eiga eftir að springa út.
???? @11BryanGil is back home! ????
— Sevilla FC (@SevillaFC_ENG) January 30, 2023
He joins on loan from @SpursOfficial until the end of the season ????
