Soler flýgur til Englands - Ward-Prowse fer til Forest

Mynd: EPA

Ward-Prowse.

Mynd: West Ham

Mynd: EPA

West Ham hefur náð samkomulagi við PSG um miðjumanninn Carlos Soler. Um er að ræða lánssamning út tímabilið og er leikmaðurinn á leið á flugvöllinn, hann mun lenda á Englandi seinna í dag og fara í læknisskoðun.

Á sama tíma er West Ham að lána James Ward-Prowse til Nottingham Forest. Miðjumaðurinn sparkvissi er á leið til Nottingham í læknisskoðun.

Ward-Prowse er 29 ára og hefur einungis spilað 16 mínútur í fyrstu tveimur leikjum úrvalsdeildarinnar með West Ham.

Soler spenntur fyrir West Ham
West Ham hefur sýnt Soler mikinn áhuga í sumar en hann er ekki í byrjunarliðsáformum Luis Enrique þjálfara Paris Saint-Germain.

Soler er 27 ára gamall miðjumaður með þrjú ár eftir af samningi hjá PSG, en franska stórveldið keypti hann frá Valencia fyrir tveimur árum síðan.

Soler hefur komið við sögu í 63 leikjum frá komu sinni til PSG en kom oft inn af varamannabekknum og hefur ekki tekist að festa sig í sessi í byrjunarliðinu.

Soler á 14 landsleiki að baki fyrir Spán en var ekki partur af landsliðshópnum sem vann EM í sumar.

Soler er mjög spenntur fyrir því að spila í ensku úrvalsdeildinni og er hann ánægður með hversu mikinn áhuga Hamrarnir hafa sýnt honum í sumar.

Gluggadagurinn er í dag. Glugganum verður lokað í enska, spænska og ítalska boltanum klukkan 22:00 í kvöld. Þýska glugganum verður lokað klukkan 18 og franska 21.

Ward-Prowse.

Mynd: West Ham

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7