,,Það er ekki alltaf hægt að skora á fyrstu mínútu, en það var bara þolinmæði og mér fannst við svona hægt og sígandi ná betri tökum á leiknum og allan seinni hálfleikinn fannst mér við líklegri til að skora og svo kom það, sem var bara gott," sagði Magnús Gylfason, þjálfari ÍBV eftir sigur liðsins á Val í kvöld.
Ian Jeffs og Tonny Mawejje skoruðu mörk ÍBV sem vann Val með tveimur mörkum gegn engu í Pepsi-deild karla.
,,VIð vorum alls ekki á tánum í fyrri hálfleik. Auðvitað blautur völlur í fyrsta skiptið í allt sumar og þungur og við svolítið hægir í gang. Þeir spiluðu svolítið öðruvísi en við bjuggumst við, þeir spiluðu 4-4-2 og við vorum einum færri á miðjunni og réðum illa við það, en svo breyttum við aðeins í hálfleik og mér fannst við mjög góðir í seinni hálfleik."
,,Auðvitað erum við í skýjunum og þetta er frábært, en ég meina næst er Evrópuleikur úti í Írlandi og við þurfum bara að fara að hugsa út í það núna. Mér fannst mikivægt að klára þennan leik þar sem við verðum ekki með í næstu umferð, þannig það var mikilvægt að vinna þennan leik, þetta var lykilleikur."
,,Við ætlum okkur að reyna að vera í toppbaráttunni. Það hafa oft verið hálf miskilinn mín orð, við ætlum okkur ekki að gera verra en í fyrra og við ætlum að reyna að berjast um Evrópusæti og vonandi tekst það, við erum alla vega að nálgast þá baráttu alla vega," sagði hann að lokum.
Hægt er að sjá viðtalið í heild sinni hér að ofan.
