Þórður Guðjónsson.
Skagamenn eru að vinna í að styrkja leikmannahóp sinn fyrir síðari hluta tímabilsins.
Í dag mun danskur varnarmaður koma til félagsins og fara í læknisskoðun en ef ekkert óvænt kemur upp á mun hann ganga til liðs við ÍA.
Um er að ræða leikmann sem getur spilað í hjarta varnarinnar og sem bakvörður en þetta staðfesti Þórður Guðjónsson framkvæmdastjóri knattspyrnufélagsins ÍA í samtali við Fótbolta.net í dag.
Í dag mun danskur varnarmaður koma til félagsins og fara í læknisskoðun en ef ekkert óvænt kemur upp á mun hann ganga til liðs við ÍA.
Um er að ræða leikmann sem getur spilað í hjarta varnarinnar og sem bakvörður en þetta staðfesti Þórður Guðjónsson framkvæmdastjóri knattspyrnufélagsins ÍA í samtali við Fótbolta.net í dag.
Þá er skoskur sóknarmaður á leið til ÍA á reynslu en Þórður vildi ekki gefa upp nánari upplýsingar um leikmennina að svo stöddu.
Þórður er sjálfur að láta af störfum sem framkvæmdastjóri knattspyrnufélagsins ÍA.
,,Ég er byrjaður í nýju starfi hjá Símanum og er nánast hættur á skrifstofu ÍA en mun sinna starfinu áfram þangað til annað kemur í ljós," sagði Þórður.
ÍA mætir Fylki í uppgjöri botnliðanna í Pepsi-deildinni á mánudag en ekki er mögulegt að styrkja leikmannahópinn að utan fyrir þann leik því að erlendir leikmenn fá ekki leikheimild hjá KSÍ fyrr en á þriðjudag.
Athugasemdir
