Ítalía: Þriðja jafntefli Napoli í röð

Napoli gerði þriðja jafnteflið í röð í ítölsku deildinni þegar liðið fékk Parma í heimsókn. Antonio Conte var ekki á hliðarlínunni í kvöld þar sem hann fékk rautt spjald í 2-2 jafntefli gegn Inter í síðustu umferð.

Napoli var með öll völd á vellinum en gekk ill að koma boltanum í netið.

Það tókst þó einu sinni þegar Scott McTominay kom boltanum í netið. Markið var hins vegar dæmt af þar sem Pasquale Mazzocchi var dæmdur rangstæður í aðdragandanum en það munaði mjög litlu.

Napoli er í 3. sæti með 40 stig eftir 20 umferðir. Liðið er með jafn mörg stig og Milan og þremur stigum á eftir toppliði Inter. Parma er í 14. sæti með 22 stig.

Ítalski boltinn er á Livey en hægt er að tryggja sér áskrift með því að smella á tengilinn