Fótbolti.net

fim 17. janúar 2019 10:07

Elvar Geir Magnússon

Fimm sem hafa verið orðaðir við Liverpool

Adrien Rabiot, miðjumaður PSG.

Mynd: Getty Images

Timo Werner, leikmaður RB Leipzig.

Mynd: Getty Images

James Tarkowski.

Mynd: Getty Images

Liverpool er á toppi ensku úrvalsdeildarinnar, með fjögurra stiga forystu. Það er óhætt að segja að hlutirnir líti vel út fyrir Liverpool á þessari stundu.

Liðið hefur skorað 50 mörk og fengið aðeins 10 á sig. Liðið hefur aðeins tapað einum deildarleik svo það er ekki auðvelt að sjá hvernig liðið getur bætt sig enn frekar.

En nú er janúarglugginn opinn og það er nóg af orðrómi í gangi. Jurgen Klopp virðist nokkuð ánægður með núverandi hóp og ólíklegt er að hann geri stór kaup áður en mánuðurinn er á enda.

Liverpool er enn í baráttunni í Meistaradeildinni og það er vissulega möguleiki á óvæntum kaupum.

En hvaða leikmenn eru orðaðir við Anfield?

Adrien Rabiot
Frakklandsmeistarar Paris Saint Germain eru tilbúnir að láta franska miðjumanninn fara á afsláttarverði í þessum mánuði. Samningur hans rennur út eftir tímabilið og hann er ekki að fara að gera nýjan.

Rabiot virtist á leið til Barcelona en PSG var ósátt við hegðun Börsunga í tilraunum sínum til að fá leikmanninn. Það býr til möguleika fyrir Liverpool en félagið gæti fengið samkeppni frá Chelsea og Bayern.

James Forrest
Liverpool gæti sótt í lærisvein Brendan Rodgers hjá Celtic. Talað hefur verið um að Liverpool gæti gert sumartilboð í Forrest, 27 ára vængmann Skotlandsmeistarana.

Forrest hefur verið hjá Celtic allan sinn feril og skorað 11 mörk í 34 leikjum á þessu tímabili.

Timo Werner
Klopp vill fá meiri samkeppni fyrir Roberto Firmino og hinn 22 ára Werner hefur verið orðaður við Anfield.

Ólíklegt er að hann verði kominn fyrir 31. janúar en úrvalsdeildarbikar gæti lokkað hann til Liverpool í sumar.

Eder Militao
Varnarmaður Porto hefur verið orðaður við Liverpool í brasilískum fjölmiðlum en hann er með riftunarákvæði upp á 50 milljónir evra. Sagt er að Everton og Manchester United hafi líka áhuga en þannig standa málin á þessum tímapunkti. Sögusagnir.

Þó Militao sé orðaður við Liverpool er ekki talið líklegt að liðið geri stór kaup varnarlega í þessum glugga.

James Tarkowski
The Sun segir að Jurgen Klopp sé að velta því fyrir sér að reyna að fá miðvörð Burnley, James Tarkowski. Burnley hefur hent upp 50 milljóna punda verðmiða á leikmanninn.

Meiðsli herja á vörn Liverpool og enski landsliðsmaðurinn er nýjasti leikmaðurinn til að vera orðaður við Liverpool.

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16