Unai Emery, stjóri Arsenal, hefur fengið þau skilaboð að ekkert annað sé í boði á þessu tímabili en að landa Meistaradeildarsæti.
Arsenal endaði í fimmta sæti á fyrsta tímabilinu undir stjórn Spánverjans og komst í úrslit Evrópudeildarinnar þar sem liðið tapaði gegn Chelsea.
Arsenal endaði í fimmta sæti á fyrsta tímabilinu undir stjórn Spánverjans og komst í úrslit Evrópudeildarinnar þar sem liðið tapaði gegn Chelsea.
Í sumar hefur Emery opnað veskið fyrir leikmenn á borð við Nicolas Pepe sem kostaði 72 milljónir punda, varnarmennina Kieran Tierney og David Luiz, sóknarmanninn unga Gabriel Martinelli og spænska landsliðsmanninn Dani Ceballos sem kom á láni frá Real Madrid.
Arsenal er sem stendur í þriðja sæti ensku úrvalsdeildarinnar, stigi á eftir meisturunum í Manchester City.
Raul Sanllehi, yfirmaður fótboltamála hjá Arsenal, fer ekki leynt með að krafa sé sett á Emery að skila Meistaradeildarsæti fyrir næsta tímabil.
„Við rétt misstum af Meistaradeildarsæti á síðasta tímabili. En við höfum sagt við Unai að á þessu tímabili, með sterkari leikmannahóp, þá er krafan sett á að ná því," segir Sanllehi.
Hann var spurður út í Mesut Özil sem hefur verið skilinn eftir utan leikmannahópsins að unfanförnu.
„Unai hefur unnið eftir því að spila á þeim leikmönnum sem leggja hart að sér á æfingum."
Athugasemdir