Bjarni fylgist með í leiknum í kvöld.
Stjarnan byrjar af krafti í Pepsi-deildina en liðið sigraði Grindavík 4-0 á heimavelli í kvöld. Grindvíkingar urðu fyrir áfalli strax á þriðju mínútu þegar Auðun Helgason var rekinn af velli fyrir að brjóta á Steinþóri Frey Þorsteinssyni auk þess sem dæmd var vítaspyrna.
,,Ef hann dæmir víti þá er þetta klárlega rautt. Þetta var sorglegt fyrir leikinn í sjálfu sér en gott fyrir okkur og slæmt fyrir Grindavík," sagði Bjarni í sjónvarpsviðtali við Fótbolta.net eftir leik.
,,Þetta var flottur sigur og við erum að stilla strengi okkar. Ég er búinn að spila mjög lítið á þessu liði en menn eru með nokkuð á hreinu hvað þeir eiga að gera."
,,Gegnumbrotskrafturinn okkar er gríðarlegur, við fáum mikið af færum og skoruðum fjögur mörk í dag og höldum uppteknum hætti með það. Við fengum ekki á okkur mark og það er gott."
Hér að ofan má sjá viðtalið í heild sinni.
