Ólafur Jóhannesson landsliðsþjálfari valdi í leikmannahóp sinn fyrir vináttulandsleik við Andorra sem fram fer laugardaginn 29. maí á Laugardalsvelli.
,,Nú er það þeirra að sanna það fyrir mér, við eigum feiknarlega mikið af ungum og efnilegum leikmönnum og ég er með töluvert af þeim í mínum hóp fyrir þennan leik. Ég er bara spenntur fyrir því að sjá hvernig þeir bregðast við," sagði Ólafur um unga leikmenn liðsins við Fótbolta.net.
,,Jafnvel, að sjálfsögðu verður alltaf besta landsliðið valið en ég sé það alveg gerast að margir af þessum ungu leikmönnum fari að detta inn í hópinn hjá mér."
Athygli vakti að Eiður Smári Guðjohnsen er ekki í nægilega góðu formi að mati Ólafs til að spila leikinn.
,,Hann er ekki í formi til að spila þennan landsleik,"sagði Ólafur en sögur voru á kreiki um að Eiður hefði verið á svamli á Íslandi þegar Íslands spilaði landsleik sem EIður gaf ekki kost á sér en Ólafur telur þær sögur ekki á rökum reistar.
,,Ég held að það hafi verið uppblásið, hann fékk frí á þeim forsendum að hann væri að æfa með Tottenham og hann mætti á allar þær æfingar sem hann átti að mæta á, þetta var blásið upp."
