„Ég er virkilega ánægður, við ræddum um fyrir leik að gleyma vikunni sem er að koma þegar allir fara heim og njóta. Við þurfum að mæta, vinna leikinn, fá stigin þrjú og vera í efstu 6 sætunum, það var markmiðið okkar", sagði Vicente Valor brattur eftir góðan sigur ÍBV á Skaganum hér í kvöld.
Vicente er nýstiginn upp úr meiðslum og talaði Láki þjálfari ÍBV sérstakega um að láta hann byrja rólega.
„Ég er að verða betri og komast í betra form. Ég er búinn að vera meiddur eins og þegar ég var hjá KR áður en ég kom hingað. En núna líður mér vel og ég er að aðlagast liðinu. Er að kynnast liðsfélögunum æ betur. Þessi tilfinning er að koma aftur"
Vicente er nýstiginn upp úr meiðslum og talaði Láki þjálfari ÍBV sérstakega um að láta hann byrja rólega.
„Ég er að verða betri og komast í betra form. Ég er búinn að vera meiddur eins og þegar ég var hjá KR áður en ég kom hingað. En núna líður mér vel og ég er að aðlagast liðinu. Er að kynnast liðsfélögunum æ betur. Þessi tilfinning er að koma aftur"
Lestu um leikinn: ÍA 0 - 3 ÍBV
Vicente átti flottan leik á miðjunni og virkaði eins og hann væri alls staðar þar sem boltann væri að finna.
„Mér leið þægilega í leiknum. Við Láki ræddum fyrir leik að ég myndi falla aftar á völlinn, sækja boltann og koma mér í stöðu rétt fyrir aftan miðjuna"
„Við Alex ræddum fyrir leik um að búa til mark í samvinnu og það rættist", sagði Vicente um stoðsendinguna sem hann átti á Alex sem kom ÍBV á bragðið í leiknum.
Vicente tjáði sig að lokum um fyrra markið hjá Sverri frá miðjunni.
„Ég átti ekki vona á þessu. Ég sagði honum að senda boltann en svo skaut hann bara og skoraði. Maður getur ekki mikið sagt við því eftirá"
Athugasemdir
