Jóladagatalið: Cillessen rauk úr viðtali eftir tap á Laugardalsvelli

Í jóladagatali dagsins förum við aftur til ársins 2014 og rifjum upp eftirminnilegt viðtal við hollenska markvörðinn Jasper Cillessen eftir leik Íslands og Hollands á Laugardalsvelli.

Eins og eflaust flestir muna eftir vann íslenska liðið 2-0 sigur á Hollendingunum og var markvörðurinn ekki sá hressasti að leik loknum. 

Aðspurður hvort að honum hafi fundist hollenska liðið spila illa, brást Cillessen illa við: „Ég veit það ekki, ég ætla ekki að svara þessu," sagði hann og gekk út úr viðtalinu. 

Cillesen er enn í fullu fjöri og er nú varamarkvörður NEC Nijmegen í heimalandinu. Hann á að baki 65 leiki fyrir hollenska landsliðið en hann lék síðast fyrir land og þjóð fyrir rúmum tveimur árum.