Eysteinn og Siggi Raggi, þjálfarar Keflavíkur.
Fred Saraiva.
Í 1. umferð Lengjudeildar karla áttu Keflavík og Þór flesta fulltrúa í liði umferðarinnar. Í þetta sinn, í liði 2. umferðar, á Keflavík fimm fulltrúa eftir 4-0 sigur á Víkingi Ólafsvík á útivelli.
Eysteinn Húni Hauksson og Sigurður Ragnar Eyjólfsson, þjálfarar Keflavíkur, eru þjálfarar umferðarinnar.
Eysteinn Húni Hauksson og Sigurður Ragnar Eyjólfsson, þjálfarar Keflavíkur, eru þjálfarar umferðarinnar.
Adam Árni Róbertsson kom inn á sem varamaður og skoraði tvennu fyrir Keflavíkinga. Liðsfélagar hans Adam Ægir Pálsson, Nacho Heras og Sindri Þór Guðmundsson áttu einnig góðan leik.
Fred Saraiva var leikmaður umferðarinnar í 1. umferð og hann kemst í lið umferðarinnar að þessu sinni líka. Fred átti góðan leik í sigri Fram á Grenivík.
Bjarki Þór Viðarsson átti frábæran leik fyrir Þór í sigri á Leikni Fáskrúðsfirði í Fjarðabyggðarhöllinni. Ólafur Aron Pétursson kemst líka í lið umferðarinnar fyrir hönd Þórs.
Arek Grzelak, fyrirliði Fáskrúðsfirðinga, var flottur þrátt fyrir að vera í tapliði og það sama má segja um Hafliða Sigurðarson, miðjumann Aftureldingar, sem skoraði gegn ÍBV.
Guy Smit var maður leiksins í markalausu jafntefli Leiknis og Vestra og skoraði Oddur Ingi Bjarnason sigurmark Grindavíkur gegn Þrótti.
Þrír leikmenn eru búnir að vera í liði umferðarinnar í báðum umferðum til þessa.
Fyrri lið:
Lið 1. umferðar
Athugasemdir
