Ítalski félagaskiptasérfræðingurinn Fabrizio Romano segir engar líkur á því að enski miðjumaðurinn Kobbie Mainoo fari frá Manchester United í dag.
Mainoo, sem er uppalinn hjá United, óskaði eftir því að fara á láni frá félaginu.
Hann vill meiri spiltíma og telur ólíklegt að hann fái hann hjá United á þessu tímabili.
Leikmaðurinn vildi aðeins fara á láni til að eiga möguleika á að fara með enska landsliðinu á HM á næsta ári.
United vill ekki leyfa honum að fara og segir Romano engar líkur á því að hann fari annað fyrir gluggalok.
Mainoo mun því þurfa að berjast fyrir sæti sínu hjá United á þessari leiktíð, en hann hefur aðeins byrjað einn leik á tímabilinu, sem var í óvænta tapinu gegn Grimsby Town í enska deildabikarnum.
Athugasemdir
