Heimild: Gazzetta dello Sport
Albert Guðmundsson hefur svarað fyrir sig eftir að vera sakaður um að vilja ekki taka vítaspyrnu í tapi liðsins gegn Sassuolo. Fiorentina fékk vítaspyrnu snemma leiks og þá steig Rolando Mandragora upp og tók spyrnuna eftir rifrildi við Moise Kean.
Paolo Vanoli, þjálfari Fiorentina, sagði í viðtali eftir leik að Albert hefði ekki viljað taka spyrnuna.
„Albert var vítaskytta en hann vildi ekki taka spyrnuna. Næstir í röðinni voru Mandragora og Kean. Það eru framherjar sem hafa lítið skorað upp á síðkastið, en það á ekki að skipta máli.“
Albert vísar ásökunum þjálfarans á bug í færslu á Instagram.
Paolo Vanoli, þjálfari Fiorentina, sagði í viðtali eftir leik að Albert hefði ekki viljað taka spyrnuna.
„Albert var vítaskytta en hann vildi ekki taka spyrnuna. Næstir í röðinni voru Mandragora og Kean. Það eru framherjar sem hafa lítið skorað upp á síðkastið, en það á ekki að skipta máli.“
Albert vísar ásökunum þjálfarans á bug í færslu á Instagram.
„Ég hef aldrei og mun aldrei neita að taka vítaspyrnu. Ég hef alltaf tekið víti fyrir félagið án nokkurra vandræða. Í gær tók annar leikmaður boltann og vildi taka spyrnuna. Ég er ekki þannig manneskja sem rífst við samherja fyrir framan fullan leikvang,“ skrifaði Albert á samfélagsmiðlum.“
Eins og áður sagði tapaði Fiorentina gegn Sassuolo í gær og er á botni deildarinnar. Verona vann sinn fyrsta leik á tímabilinu á laugardaginn sem þýðir að Fiorentina og Wolves eru einu liðin í fimm sterkustu deildum Evrópu sem eru án sigurs.
Athugasemdir
