Nicolas Jackson er enn staddur í München.
Bayern München hefur hafið viðræður á ný um Nicolas Jackson, framherja Chelsea. Samningaviðræður féllu niður um helgina vegna meiðsla hjá Liam Delap, sóknarmanni Chelsea.
Jackson ætlaði að fara til Senegal í landsliðsverkefni eftir að honum var sagt að hann færi ekki til þýskalandsmeistaranna. Senegalinn er enn staddur í München vegna áframhaldandi viðræðna.
Bayern var búið að ná samkomulagi við Chelsea um 13 milljón punda lánssamning með kaupmöguleika á laugardag, en líkt og áður sagði féllu viðræður niður vegna meiðsla Delap.
Delap meiddist aftan í læri í leik gegn Fulham á laugardag og gæti hann verið frá í allt að tvo mánuði.
Þá ætlar Chelsea að kalla spænska sóknarmanninn Marc Guiu til baka úr láni frá Sunderland.
Athugasemdir
