Isak fagnar marki með sænska landsliðinu.
Jon Dahl Tomasson, landsliðsþjálfari Svíþjóðar, sagði við fréttamenn í dag að Alexander Isak væri á Englandi að ganga frá skiptum sínum til Liverpool en hann býst við honum til móts við sænska landsliðið í kvöld.
„Ég talaði við Alex í gær og í morgun. Við búumst við honum hingað í dag. Hann er mikill fagmaður og er með gott hugarfar," sagði Tomasson.
Isak er ekki í neinu leikformi þar sem hann hefur ekkert spilað með Newcastle hingað til á tímabilinu.
„Hann getur ekki spilað 90 mínútur en hann getur breytt leikjum fyrir okkur," sagði Tomasson.
Það er líklegt að Isak mæti til Svíþjóðar í kvöld en hann er núna á æfingasvæði Liverpool í læknisskoðun.
Athugasemdir
