Jones kom Luton úr ensku D-deildinni og topp ensku C-deildarinnar áður en hann tók við Stoke. Hjá Stoke hefur hann hins vegar verið í miklu basli.

Eftir tap gegn Huddersfield í botnslag í vikunni bjuggust flestir við að Jones yrði rekinn en hann lifir enn í starfi og fær leikinn gegn Swansea um helgina.

„Ég tala reglulega við eigendur félagsins og þeir eru stórkostlegir. Þeir þekkja vinnuna sem ég geri og ég er baráttumaður. Ég ræddi við þá í morgun og veit að þeir standa fyllilega við bakið á mér og vilja að mér gangi vel. Ég þarf bara að endurgjalda traustið," sagði Jones á fréttamannafundi í dag.