Það eru tveir leikir á dagskrá í enska boltanum í kvöld og verða þeir báðir sýndir á sportstöðvum Símans vegna breyttrar reglugerðar um sýningarrétt. Nú má sýna alla leikina í miðri viku og munu fréttamenn Símans vera á Englandi og fylgjast náið með tveimur leikjum.

Fyrri leikurinn er í kvöld þegar Jóhann Berg Guðmundsson og félagar í Burnley taka á móti Englandsmeisturum Manchester City. Jói Berg verður þó líklega ekki með vegna meiðsla. Seinni leikurinn er annað kvöld þegar Gylfi Þór Sigurðsson og félagar í Everton heimsækja Liverpool á Anfield í nágrannaslag.

Viðureign Burnley og Man City er áhugaverð þar sem Englandsmeistararnir hafa verið að tapa mikið af stigum og sitja í þriðja sæti ensku deildarinnar sem stendur, ellefu stigum eftir toppliði Liverpool. Burnley er um miðja deild með 18 stig, ellefu stigum eftir Man City.

City verður án Sergio Agüero, Aymeric Laporte, Ilkay Gundogan og Leroy Sane í kvöld. Þá er Oleksandr Zinchenko tæpur.

Crystal Palace tekur þá á móti Bournemouth í kvöld. Tvö stig skilja liðin að um miðja deild. Heimamenn verða án Scott Dann og Joel Ward, þá er ólíklegt að Gary Cahill verði klár í slaginn. Gestirnir eru án sjö leikmanna, þar á meðal eru Joshua King, Andrew Surman og David Brooks.

Leikir kvöldsins:
19:30 Crystal Palace - Bournemouth (Síminn Sport 2)
20:15 Burnley - Manchester City (Síminn Sport)

Tweet

Senda a Facebook Hafdu samband Senda frétt Prenta frétt Frétta leit