Sænska félagið Öster er í 3. sæti sænsku B-deildarinnar eftir 4-1 sigur á Brommapojkarna í kvöld.
Öster hefur spilað frábæran fótbolta undir stjórn Srdjan Tufegdzic, en hann tók við liðinu eftir að hafa aðstoðað Heimi Guðjónsson hjá Val. Áður þjálfaði hann KA í efstu deild.
Alex Þór Hauksson, sem hefur átt afar gott tímabil í Svíþjóð, kom af bekknum á 70. mínútu leiksins.
Hann hefur spilað 24 leiki í B-deildinni og þar af langflesta í byrjunarliði.
Öster er í 3. sæti með 43 stig þegar fimm umferðir eru eftir af deildinni en þriðja sætið gefur sæti í umspili. Brommapojkarna er í 2. sæti með 50 stig.
Athugasemdir