Mynd: HK

Kristín er afar öflug og var eftirsótt af félögum úr Bestu deildinni en valdi frekar að vera áfram hjá HK.

Hún er fædd um síðustu aldamót og uppalin í Grindavík, þar sem hún lék ellefu leiki í efstu deild kvenna á sautjánda aldursári.

Kristín skipti til HK fyrir síðustu leiktíð og var mikilvægur hlekkur er Kópavogsmær reyndu að koma sér upp í deild þeirra bestu en án árangurs. HK var þó ekki langt frá því að fara upp og er stefnan sett þangað í sumar.

Kristín fór beint inn í byrjunarliðið hjá HK og er lykilmaður hjá sínu nýja félagi, sem hún spilaði 24 leiki fyrir á sínu fyrsta tímabili.