Valencia var að tapa þriðja deildarleiknum sínum í röð og er í bullandi fallbaráttu. Liðið heimsótti Girona í dag og sýndi slaka spilamennsku.
Heimamenn voru mun betri og komust nokkrum sinnum nálægt því að taka forystuna áður en Borja Garcia skoraði eftir stoðsendingu frá hinum efnilega Rodrigo Riquelme, lánsmanni frá Atletico Madrid.
Mark Garcia reyndist það eina í leiknum og er Girona með 24 stig eftir 20 umferðir á meðan Valencia situr eftir með 20 stig, einu stigi fyrir ofan fallsvæði.
Real Sociedad fékk þá tækifæri til að minnka bilið milli sín og Real Madrid í toppbaráttunni þegar fallbaráttulið Real Valladolid kíkti í heimsókn.
Heimamenn í Sociedad voru betri en sýndu ekki mikla yfirburði og tókst ekki að skora. Á 73. mínútu skoraði svo kanadíski landsliðsmaðurinn Cyle Larin eina mark leiksins.
Annar sigur Valladolid í röð og er liðið í neðri hlutanum með 23 stig. Sociedad er með 39 stig í þriðja sætinu.
Það var einnig keppt í B-deildinni í dag og til gamans má geta að Bébé, fyrrum leikmaður Manchester United, gerði sigurmark á 93. mínútu í sínum fyrsta leik með Real Zaragoza. Sigurinn kom gegn félagsliði Andorru sem er um miðja deild rétt eins og Zaragoza.
Girona 1 - 0 Valencia
1-0 Borja Garcia ('63)
Real Sociedad 0 - 1 Real Valladolid
0-1 Cyle Larin ('73)
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 18 | 15 | 1 | 2 | 51 | 20 | +31 | 46 |
| 2 | Real Madrid | 18 | 13 | 3 | 2 | 36 | 16 | +20 | 42 |
| 3 | Atletico Madrid | 18 | 11 | 4 | 3 | 33 | 16 | +17 | 37 |
| 4 | Villarreal | 16 | 11 | 2 | 3 | 31 | 15 | +16 | 35 |
| 5 | Espanyol | 17 | 10 | 3 | 4 | 22 | 17 | +5 | 33 |
| 6 | Betis | 17 | 7 | 7 | 3 | 29 | 19 | +10 | 28 |
| 7 | Celta | 17 | 5 | 8 | 4 | 20 | 19 | +1 | 23 |
| 8 | Athletic | 18 | 7 | 2 | 9 | 16 | 24 | -8 | 23 |
| 9 | Elche | 17 | 5 | 7 | 5 | 23 | 20 | +3 | 22 |
| 10 | Sevilla | 17 | 6 | 2 | 9 | 24 | 26 | -2 | 20 |
| 11 | Getafe | 17 | 6 | 2 | 9 | 13 | 22 | -9 | 20 |
| 12 | Osasuna | 17 | 5 | 3 | 9 | 17 | 20 | -3 | 18 |
| 13 | Mallorca | 17 | 4 | 6 | 7 | 19 | 24 | -5 | 18 |
| 14 | Alaves | 17 | 5 | 3 | 9 | 14 | 20 | -6 | 18 |
| 15 | Vallecano | 17 | 4 | 6 | 7 | 13 | 20 | -7 | 18 |
| 16 | Real Sociedad | 17 | 4 | 5 | 8 | 21 | 25 | -4 | 17 |
| 17 | Valencia | 17 | 3 | 7 | 7 | 16 | 26 | -10 | 16 |
| 18 | Girona | 17 | 3 | 6 | 8 | 15 | 33 | -18 | 15 |
| 19 | Oviedo | 17 | 2 | 5 | 10 | 7 | 26 | -19 | 11 |
| 20 | Levante | 16 | 2 | 4 | 10 | 17 | 29 | -12 | 10 |
