Cecilía Rán Rúnarsdóttir.
Cecilía Rán Rúnarsdóttir átti mjög góðan leik í fyrsta leik Evrópumótsins gegn Finnlandi. Hún var besti leikmaður íslenska liðsins.
Cecilía, sem er 21 árs, var að spila sinn fyrsta leik á stórmóti. Hún gekk á dögunum í raðir Inter á Ítalíu og þykir einn mest spennandi markvörður Evrópu.
Cecilía, sem er 21 árs, var að spila sinn fyrsta leik á stórmóti. Hún gekk á dögunum í raðir Inter á Ítalíu og þykir einn mest spennandi markvörður Evrópu.
Livia Peng, sem nýverið gekk í raðir Chelsea, sat fyrir svörum á fréttamannafundi í Bern í dag. Hún mun verja mark Sviss gegn Íslandi á morgun en á fundinum spurði fréttamaður Fótbolta.net hana út í Cecilíu.
„Þegar við spiluðum gegn þeim fyrr á þessu ári var hún mjög góð. Hún er ung og er mjög góður markvörður," sagði Peng, sem er 23 ára gömul, við spurningu Fótbolta.net.
„Hún er líka mjög góð í fótunum og getur sparkað langt. Við þurfum að vera tilbúin fyrir það."
Athugasemdir
