Heimir Guðjónsson þjálfari Valsmanna var brattur eftir sigur í úrslitaleik Reykjavíkurmótsins eftir sigur í vítaspyrnukeppni, leikar enduðu 1-1 eftir 90 mínútur en vítaspyrnukeppnin endaði 5-4 fyrir Valsmönnum.
"Það er alltaf gaman að vinna titla, ég hef aldrei unnið þennan titil áður sem þjálfari þannig þetta var bara fínt, við vorum ekki nógu góðir í fyrri hálfleik, vantaði töluvert upp á grunnatriði leiksins, þegar við unnum boltann vorum við að tapa honum fljótlega en við vorum mun betri í seinni og svona heilt yfir fannst mér þetta verðskuldað" Sagði Heimir í viðtali beint eftir leik.
"Það er alltaf gaman að vinna titla, ég hef aldrei unnið þennan titil áður sem þjálfari þannig þetta var bara fínt, við vorum ekki nógu góðir í fyrri hálfleik, vantaði töluvert upp á grunnatriði leiksins, þegar við unnum boltann vorum við að tapa honum fljótlega en við vorum mun betri í seinni og svona heilt yfir fannst mér þetta verðskuldað" Sagði Heimir í viðtali beint eftir leik.
Lestu um leikinn: Fylkir 5 - 6 Valur
Valur endaði með markatöluna 21-4 yfir fimm spilaða leiki, gat þetta farið mikið betur að mati Heimis?
"Þetta hefur verið fínt Reykjavíkurmót, búið að ganga vel! Við vissum það að þetta yrði hörkuleikur, Fylkisliðið er búið að vera öflugt, með frábærar skyndisóknir, vel skipulagðir og með fljóta menn fram á við! Við getum alltaf bætt okkur samt, flæðið á boltanum hefði mátt vera betra, færa boltann meira milli vængja og í fyrri hálfleik hefðum við getað varist skyndisóknunum betur en í seinni hálfleik gerðum við það vel"
Kjartan Henrý Finnbogason hefur verið mikið orðaður við Val, er hann á leið á Hlíðarenda?
"Nei"
Valsmenn hafa fengið þrjá leikmenn til sín og misst sex, hvernig standa leikmannamál Valsara?
"EIns og ég hef sagt þá erum við að skoða markaðinn, markaðurinn er hins vegar erfiður þessa stundina en vonandi verða einhverjar tilslakanir og þá munum við reyna styrkja okkur, klárlega" Sagði Heimir Guðjónsson
Viðtalið má sjá í heild sinni hér fyrir ofan.
Athugasemdir
