Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

fös 30. janúar 2026 16:41

Kári Snorrason

Bragi Karl: Var ekki í hlutverkinu sem ég vildi vera í

Talið að Njarðvík hafi borgað fjórar milljónir fyrir Braga.

Mynd: Fótbolti.net - Hafliði Breiðfjörð

Davíð Smári tók við sem nýr þjálfari Njarðvíkur eftir tímabil.

Mynd: Helgi Þór Gunnarsson

Bragi Karl Bjarkason var rétt í þessu tilkynntur sem nýr leikmaður Njarðvíkur. Hann var keyptur frá FH til félagsins og er talið að kaupverðið nemi um fjórum milljónum króna.

Bragi er 23 ára sóknarmaður sem er uppalinn í ÍR. Hann varð markakóngur í 2. deild 2023 þegar hann skoraði 21 mark, ári seinna skoraði hann 11 mörk í Lengjudeildinni 2024 og var sóttur til FH.

Hann skoraði aðeins tvö mörk fyrir FH á síðasta tímabili, sem bæði komu í fræknum 4-5 útisigri á Breiðabliki. Hann kom við sögu í 18 leikjum í Bestu deildinni í fyrra en byrjaði einungis tvo þeirra.

Stefán Marteinn, fréttamaður Fótbolta.net, ræddi við Braga Karl um vistaskiptin.

30.01.2026 16:29

Bragi Karl keyptur til Njarðvíkur (Staðfest)

„Tilfinningin er mjög fín, maður finnur fyrir miklum metnaði í félaginu og maður er spenntur að komast af stað.“

„Þetta bar nokkuð fljótt að, maður fann að maður var ekki í hlutverkinu sem ég vildi vera í hjá FH. Maður vildi fá að skoða eitthvað annað og Njarðvík kom upp.

Verkefnið hérna hljómaði mjög spennandi og eitthvað sem mig langaði að taka þátt í. Maður fann fyrir metnaði og ástríðu fyrir því að ná árangri. Umhverfið og þjálfarateymið heillaði mikið.“

„Það voru einhver lið inni í menginu en mér leist best á Njarðvík. Eftir spjallið við Davíð var maður spenntastur fyrir þessu. Ég er mjög ánægður með að vera kominn.“

Njarðvík endaði í 2. sæti Lengjudeildarinnar í fyrra en tapaði umspilseinvígi gegn grönnunum í Keflavík. Bragi segir markmiðið að gera betur en á síðasta ári.

„Maður fylgdist auðvitað með Lengjudeildinni í fyrra. Njarðvíkingarnir litu mjög vel út. Vonandi næ ég að hjálpa þeim að klára þetta og komast í Bestu deildina. Það er metnaður og ég hlakka til að klára það.“

Fyrsti leikur Braga verður í Lengjubikarnum gegn ÍR, en Bragi er uppalinn ÍR-ingur.

„Það er allt í lagi. Fyrsti leikurinn minn með FH var gegn ÍR líka. Það er alltaf skrítin tilfinning að spila gegn uppeldisfélaginu en svona er boltinn. Maður spilar alla leiki og gefur sig allan fram alveg sama á móti hverjum maður spilar.“