Þremur leikjum var að ljúka í 3. deild karla í dag en spilað er í fimmtándu umferð deildarinnar.
Kormákur/Hvöt og Sindri áttust við í einum þeirra en gestirnir eru í mikillri toppbaráttu og máttu því ekki við því að misstíga sig í dag.
Allt stefndi í jafntefli en á 88. mínútu náðu Sindra menn að troða boltanum yfir línuna og tryggja sér stigin þrjú. Mjög mikilvægur sigur en Sindri er í þriðja sæti deildarinnar, þremur stigum á eftir KFG og Dalvík/Reyni.
Elliði vann þá auðveldan sigur á ÍH en Hafnarfjarðarliðið er í neðsta sæti deildarinnar.
Víðir Garði er í baráttunni um tvö efstu sætin en liðið hins vegar missteig sig í dag þegar það tapaði 2-1 gegn KFS. Víðir er því fimm stigum frá tveimur efstu sætum deildarinnar á meðan KFS er í fimmta sæti.
Kormákur/Hvöt 0-1 Sindri
KFS 2-1 Víðir
Elliði 3-0 ÍH
