Miðvörðurinn sterki Craig Dawson mun ganga í raðir West Ham frá Watford eftir tímabilið.
Dawson kom á láni í október á síðasta ári og hann er búinn að vera lykilmaður á þessu magnaða tímabili fyrir West Ham. Liðið er í harðri Meistaradeildarbaráttu.
Það var ákvæði í lánssamningnum um að West Ham þyrfti að kaupa hann fyrir 3 milljónir punda ef hann myndi spila ákveðinn fjölda leikja. Umræddur leikjafjöldi var 15 deildarleikir og hann náði því á mánudag þegar West Ham vann útisigur á Úlfunum.
„Ég er spenntur fyrir framtíðinni hjá félaginu," segir Dawson sem skrifar undir verðskuldaðan tveggja ár samning.
Dawson, sem er þrítugur, hafði spilað 182 leiki í ensku úrvalsdeildinni fyrir West Brom og Watford áður en hann fór til West Ham á síðasta ári.
Athugasemdir