Tippari sem styður Víking Ólafsvík fékk þrettán rétta á miðvikudagsseðlinum hjá Íslenskum getraunum.
Ólafsvíkingurinn fékk tæpar 2 milljónir króna fyrir að ná öllum þrettán leikjunum rétt.
Hann notaðist við svokallað S-0-10-128 kerfi sem gerir honum kleift að setja tvö tákn á tíu leiki og eitt tákn á hina þrjá leikina.
Alls er kerfið 128 raðir og kostar það 1.664 krónur. Kerfið er eitt það vinsælasta hjá Íslenskum getraunum og hefur oft reynst tippurum vel.
