Þýskaland í dag - Bremen þarf sigur gegn Wolfsburg

Heimamenn í Bremen eru í fallsæti og þurfa því sigur. Wolfsburg er aðeins einu stigi á eftir Hoffenheim í Evrópusæti og ljóst að ekki verður gefin tomma eftir.

Union Berlin mætir svo Schalke en bæði þessi lið hafa verið í frjálsu falli að undanförnu. Berlin er þremur stigum frá fallsvæðinu og er Schalke sex stigum þar fyrir ofan en hefur ekki unnið í síðustu ellefu tilraunum.

Að lokum á Augsburg heimaleik við Köln þar sem Alfreð Finnbogason gæti mætt aftur á völlinn eftir meiðsli. Ólíklegt er að Alfreð byrji leikinn en hann gæti komið inn af bekknum.

Augsburg er þremur stigum frá fallsæti. Köln er þremur fyrir ofan Augsburg.

Viaplay er með sýningarréttinn á þýska boltanum hér á landi.

Leikir dagsins:
11:30 Werder Bremen - Wolfsburg
13:30 Union Berlin - Schalke
16:00 Augsburg - Köln