Breiðablik og Stjarnan áttust við á Kópavogsvelli í Bestu deild kvenna í kvöld. Liðin skildu jöfn 1-1 en mörkin skoruðu Andrea Mist Pálsdóttir fyrir Stjörnuna og Málfríður Erna Sigurðardóttir varð fyrir því óláni að skora sjálfsmark.
Málfríður var ansi óheppin þegar hún skoraði en fyrirgjöf fór beint í andlitið á henni og þaðan skoppaði boltinn í netið.
Hún lá eftir og það sást greinilega að hún hafi fengið boltann í andlitið. Leikmenn Blika fögnuðu gríðarlega nálægt henni og í útsendingunni mátti sjá Hafrúnu Rakel Halldórsdóttir benda og hlægja að Málfríði.
Þetta hefur vakið mikla athygli á Twitter en Svava Kristín Grétarsdóttir vakti athygli á þessu. Hún mældist til þess að Málfríður fengi að slá Hafrúnu utanundir fyrir þetta.
Máni Pétursson harður stuðningsmaður Stjörnunnar svaraði henni og sagði að þetta myndi bara kveikja í leikmönnum Stjörnunnar.
„Þetta er snilld fyrir Stjörnustelpur að sjá. Þetta æsir vel uppí þeim. Blikar hafa aldrei í sögunni átt séns í pirrað stjörnulið," skrifaði Máni.
Persónulegt mat, Fríða á að fá að slá Hafrúnu utan undir, allavega eitt högg fyrir þetta fagn sitt. Sjálf hefði ég skallað hana, enda ekki með góða sjálfstjórn en þetta eru alvöru stælar ???? pic.twitter.com/PPRbBsJKpW
— Svava Gretarsdóttir (@SvavaGretars) June 7, 2023
