UEFA er búið að ákæra Atletico Madrid vegna óláta stuðningsmanna liðsins í útileiknum gegn Manchester City í Meistaradeild Evrópu.
Stuðningsmenn Atletico köstuðu lausahlutum inn á völlinn og sýndu fordóma. Málið rataði inn á borð siðanefndar þar sem það verður afgreitt þegar röðin kemur og búist er við að Atletico þurfi að spila fyrir luktum dyrum í refsingarskyni.
Samkvæmt reglugerð UEFA er minnsta refsingin við fordómum að spila heimaleiki fyrir luktum dyrum.
Atletico tapaði 1-0 á Etihad og fer seinni leikurinn fram næsta miðvikudag á Wanda Metropolitano.
Athugasemdir