Inter lagði Sassuolo að velli í fyrsta leik helgarinnar í ítalska boltanum en sigurinn reyndist allt annað en þægilegur.
Það ríkti þokkalegt jafnræði á vellinum þar sem liðin skiptust á að eiga góða kafla.
Fyrsta markið kom rétt fyrir leikhlé þegar Edin Dzeko skoraði eftir hornspyrnu. Denzel Dumfries gerði vel að vinna skallaboltann sem kom boltanum til Dzeko.
Sassuolo byrjaði seinni hálfleikinn af krafti og komst nálægt því að skora áður en Davide Frattesi jafnaði eftir gott hlaup frá miðjunni. Varnarmenn Inter dekkuðu ekki hinn lágvaxna Frattesi sem skoraði auðvelt mark eftir frábæra fyrirgjöf frá Rogerio á vinstri vængnum.
Staðan hélst jöfn næsta stundarfjórðunginn eða allt þar til á 75. mínútu. Þá var Dzeko aftur á ferðinni en í þetta sinn skallaði hann góða fyrirgjöf frá Henrikh Mkhitaryan í netið.
Sassuolo tókst ekki að jafna leikinn á ný og dýrmæt stig í hús fyrir Inter sem er með 15 stig eftir 9 umferðir. Sassuolo er með 12 stig.
Sassuolo 1 - 2 Inter
0-1 Edin Dzeko ('44)
1-1 Davide Frattesi ('60)
1-2 Edin Dzeko ('75)
Í B-deildinni komu tvö Íslendingalið við sögu en enginn Íslendingur fékk að spreyta sig.
Pisa gerði markalaust jafntefli við Parma með Hjört Hermannsson á bekknum á meðan Venezia tapaði heimaleik gegn Bari.
Pisa er aðeins með sex stig eftir átta umferðir á meðan Feneyingar eru með átta stig.
Hilmir Rafn Mikaelson, Bjarki Steinn Bjarkason og Kristófer Jónsson eru samningsbundnir Venezia.
Pisa 0 - 0 Parma
Venezia 1 - 2 Bari
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 36 | 23 | 9 | 4 | 57 | 27 | +30 | 78 |
| 2 | Inter | 36 | 23 | 8 | 5 | 75 | 33 | +42 | 77 |
| 3 | Atalanta | 36 | 21 | 8 | 7 | 73 | 32 | +41 | 71 |
| 4 | Juventus | 36 | 16 | 16 | 4 | 53 | 33 | +20 | 64 |
| 5 | Lazio | 36 | 18 | 10 | 8 | 59 | 46 | +13 | 64 |
| 6 | Roma | 36 | 18 | 9 | 9 | 51 | 34 | +17 | 63 |
| 7 | Bologna | 36 | 16 | 14 | 6 | 54 | 41 | +13 | 62 |
| 8 | Milan | 36 | 17 | 9 | 10 | 58 | 40 | +18 | 60 |
| 9 | Fiorentina | 36 | 17 | 8 | 11 | 54 | 37 | +17 | 59 |
| 10 | Como | 36 | 13 | 9 | 14 | 48 | 49 | -1 | 48 |
| 11 | Torino | 36 | 10 | 14 | 12 | 39 | 42 | -3 | 44 |
| 12 | Udinese | 36 | 12 | 8 | 16 | 39 | 51 | -12 | 44 |
| 13 | Genoa | 36 | 9 | 13 | 14 | 32 | 45 | -13 | 40 |
| 14 | Cagliari | 36 | 8 | 9 | 19 | 37 | 54 | -17 | 33 |
| 15 | Verona | 36 | 9 | 6 | 21 | 31 | 64 | -33 | 33 |
| 16 | Parma | 36 | 6 | 14 | 16 | 41 | 56 | -15 | 32 |
| 17 | Venezia | 36 | 5 | 14 | 17 | 30 | 50 | -20 | 29 |
| 18 | Empoli | 36 | 5 | 13 | 18 | 29 | 56 | -27 | 28 |
| 19 | Lecce | 36 | 6 | 10 | 20 | 25 | 58 | -33 | 28 |
| 20 | Monza | 36 | 3 | 9 | 24 | 27 | 64 | -37 | 18 |
