Tino Livramento bakvörður Newcastle hefur verið að koma sterkur inn í liðið eftir að hafa gengið til liðs við félagið frá Southampton í sumar.
Þessi 21 árs gamli leikmaður er fæddur á Englandi en á skoska móður og portúgalskan föður. Hann hefur ekki spilað A landsleik en hefur spilað upp alla yngri flokka enska landsliðsins.
Samkvæmt Daily Telegraph er ekkert annað sem kemur til greina hjá honum en að spila fyrir enska landsliðið í framtíðinni.
Það hafa verið vandræði með vinstri bakvarðarstöðuna í enska landsliðinu en Gareth Southgate er sagður tilbúinn að velja Livramento í næsta landsliðshóp eftir frammistöðu hans undanfarið.
Hann hefur leikið 10 leiki með Newcastle á tímabilinu og var m..a. á hægri kanti gegn Dortmund í Meistaradeildinni í síðasta mánuði.
